බකමූණා… බස්සා… ඌරුමුවා…

මේ හැම නමකින්ම හැදින්නුවෙ මෙයාව තමා….

අර සිංහලෙන් owl කියන්නෙ අන්න එයා  😛

මෙයා ගෙන බොහොම ආස හිතෙන කරුනු ටිකක් අද e-mail කින් මට ලැබිල තිබුන  විකියෙත් ඒ ගෙන හොයල බැලුවට පස්සෙ ඒ ගෙන බ්ලොග් පෝස්ට් එකක් දැම්මොත් හොදයි කියල හිතුන. 😀

බකමූණ නැත්නම් බස්ස ප්‍රධාන වශයෙන් අයත් වෙන්නෙ Strigiformes කියන වර්ගයට මේක තවත් කොටස්දෙකකට බෙදනව ඒ Barn Owls හා Typical Owls විදිහට.මේ අනුව මේ වන විට බස්සන් විශේෂ 200කට වඩා ලොව පුරා ඇන්ටාක්ටික් හැර අනික් සියලුම මහද්වීප වල ජීවත් වේ.

බස්සන් මාංශභක්ෂක කුරුල්ලන් වේ. උන් බොහෝ විට කුඩා ක්ෂීරපායින් කෘමි සතුන් මත යැපේ සමහරක් මාළු දඩයම් කරුවන්ද වේ. බොහෝ කුරුල්ලන් මෙන් බස්සාටද දත් නොමැත ඌ තම ගොදුර කුඩා කැබලි වලට ඉරා ගිල දමයි.පසුව දිරවිය නොහැකි කොටස් නැවත වමාරනු ලබයි.

බොහෝමයක් බස්සන් විශේෂ නිශාචර වන අතර සමහරක් පාන්දර (pygmy owl) හා අදුර වැටීගේන එන සවස් කාලයේත්  සමහරක් දහවල් කාලයෙත් (burrowing owl,short-eared owl)  ක්‍රියාකාරී වේ.

මිනිසුන්ගේ මෙන් නොව බස්සන්ට තම ඇස් හරවා බැලිය නොහැක මේ නිසා පැත්තෙන් තිබෙන වස්තුවක් නැරබීමට තම සම්පූර්න හිස හැරවීමට බස්සන්ට සිදුවේ. මේ නිසා බස්සාට තම හිස සම්පූර්ණයෙන්ම අනික් පැත්තට හරවිය හැකියැයි මිථ්‍යා මතයක් ගොඩනැගී ඇත. ඇත්තටම බස්සෙකුට එක පැත්තකට හිස හැර විය හැක්කේ අංශක 135 පමණි. මේ අනුව බස්සෙකුට අංශක 270 දෘෂ්ටි පරාසයක් ඇත.

එසේම බස්සෙකුට තමන්ට සෙන්ටි මීටර කිහිපයක් ලගින් ඇති වස්තු පැහැදිලිව දැකිය නොහැක නමුත් ඉතා අඩු ආලෝක තත්ව යටතේ උවද දුරින් පිහිටි වස්තුවක් ඉතා පැහැදිලිව දැකීමේ හැකියාව බස්සෙකුට ඇත.

බස්සන්ට විශාල පරාසයක් පුරා විහිදුණු හඩක් පවතී.

බස්සන්ගේ විශේෂ පිහාටු සැකැස්ම උන් පියාපත් සැලීමේදි ඇති කරන ශබ්දය අඩු කිරීමට සැකසී ඇත. මේ නිසා නිහඩව තම ගොදුර කරා යාමේ හැකියාව බස්සෙකු සතුවේ.

බස්සන් ස්භාවයෙන්ම නිහඩ සතුන් කොටසක් උවත් බස්සන් කණ්ඩායම්ක් හැදින්වීමට ඉංග්‍රීසි භාෂාවේ “parliament” යන වචනය යොදා ගනී.( සුද්දො අපේ පාර්ලිමේන්තු දැකල නැද්ද කොහෙද 😀 )

ලියන්න දෙයක් නැති වුනාම… බ්ලොග් ලියන අයට පොඩි උදවුවක්

ඔන්න මමත් කාලෙකට පස්සෙ බ්ලොග් එක පැත්තෙ ආව අන්තිමට බ්ලොග් පෝස්ට් එකක් දැම්මෙ 7/05 අද 9/01 සෑහෙන් කල් ගිහිල්ල… 😦

මුකුත්ම නොදා හිටියෙ කාලයක් නොතිබුණ නිසාම නෙමේ දාන්න කියල මොකුත්ම වැදගත් දෙයක් ඔළුවට ආවෙ නැති නිසා….. 😐  මම හිතන්නෙ මේ ප්‍රශ්නෙ තියෙන්නෙ මට විතරක්ම නෙමේ බ්ලොග් ලියන අනිත් අයටත් මේ ගැටලුවම ඇති, මේ ගෙන හිත හිත ඉන්නකොට තමා 😕 මේ වීඩියෝව හම්බ වුනේ මේ වීඩියෝවෙන් මේ ගැටලුවට පොඩි උදවුවක් ගන්න පුළුවන්. මේ වීඩියෝ එක ගෙන කතාකරන්න ඉස්සෙල්ල මේක උස්සපු තැන ගෙනත් වචනයක් කියන්න ඔනේ 😀 ,මේක ඉස්සුවේ problogger.net කියන අඩවියෙන් මේක බ්ලොග් ලියන අයට උදවු කරන අඩවියක්. දැන් කට්ටිය කියයි මේ වගෙ ඒව ඕන තරන් තියනවනෙ කියල හැබැයි ඒ හැම එකකම වගෙ තියෙන්නෙ බ්ලොග් වලට අදාළ තාක්ෂණික කරුණුනෙ, නමුත් මේකෙ තියෙන්නෙ හොද බ්ලොග් ලියන්නෙක් වෙන්නෙ කොහොමද කියල ඒ කිවුවෙ අපි කොහොමද අපෙ ලිපියක අන්තර්ගතය සකස්කරගන්නෙ,අපේ බ්ලොග් අඩවිය කියවන පාඨකයන් එක්ක සම්බන්ධතාව තියාගන්නෙ කොහොමද වගෙ දේවල් ඒ අතර තාක්ෂණික ලිපි නැතුවම නෙමේ. පොඩ්ඩක් ගිහිල්ල බලන්නොකො ඉගන ගන්න ගොඩාක් දේවල් තියනව.

හරි දැන් වීඩියෝවට එමුකො මේකෙන් පෙන්නන්නෙ බ්ලොග් එකේ ලියන්න මෙලෝ දෙයක් හිතෙන්නෙ නැති වෙලාවට අලුත් ලිපියකට අදහස් හොයගන්නෙ කොහොමද කියල. ( මේක එක විදිහක් විතරයි තව ක්‍රම ඕන තරන් තියෙනව ) මෙතනදි අපිට ලියන්න ඕන දේවල් ගෙන අදහස් දෙන්නෙ අපේ පාඨකයො ඉතින් ඒක නිසා බ්ලොග් එක කියවන අය බලාපොරොත්තු වෙන විදිහෙ බ්ලොග් එකක් අපිට හදාගන්න පුළුවන් 🙂 මෙතනදි ආදර්ශයට අරන් තියෙන්නෙ photography ගෙන කථා කරන බ්ලොග් අඩවියක් මේක අපිට කැමති විදිහට වෙනස් කරගන්න පුළුවන් 😉

ප.ලි. වියාකරණ නිවරැදි කිරීම : http://www.subasa.net